ELABORACIÓN DOS MATERIAIS/PRODUTOS NECESARIOS (PRODUTO 1)

Xogos coas clases de 4º EP


En primeiro lugar, presentaremos os nosos nomes e o eslogan da nosa campaña e lles diremos que lles vamos facer uns xogos. 
A continuación contarémoslles situacións como as seguintes: "se dous amigos teus se enfadan entre eles e non se falaran nin quixeran xogar xuntos que farías ti?" ou "se tiveras unha pelexa cun compañeiro como resolverías o voso conflito?".

Para o seguinte xogo pediremos un voluntario/a inicial. Ao alumno/a lle daremos un globo e éste dirá unha actividade que pensa que se lle dá ben. Preguntámoslle ao resto da clase se están de acordo co que dixo, pero dicímoslles que se expresen obxectivamente e sen criticar. Se o neno/a se molesta polo que lle dixeron, estouparemos o globo e, como á maioría deles/as non lles gustará oír como estoupa un globo, aprenderán a recibir críticas sen enfadarse e a criticar sen ferir os sentimentos dos demais. Logo sairá outro alumno e repetirase o proceso de 3 a 5 veces, en función do tempo que nos quede.

Máis tarde baixaremos ao patio co alumnado e explicarémoslles o seguinte xogo: cada un de nós estará nun lugar do patio e realizaralles unha proba aos alumnos e alumnas, que irán en parellas ou, se son impares en parellas cun trío. Os cativos poderán circular libremente polas diferentes probas, intentando pasalas, pero se non o acadan deben pasar á seguinte proba e volver ao final para acadala, teñen tres intentos. Ao principio darémoslles un consello para que xoguen téndoo en conta: a clave para gañar é estar sempre unidos. Se acadan realizar a proba con éxito en parellas levarán 10 puntos, en cada contrario non levarán puntos e pasarán á seguinte, volvendo ao final se lles dá tempo. Se un só alumno fai a proba ao querer acabar máis rápido só acadará 5 puntos e se ao non conseguilo un/unha dos dous/dúas rifa a outro/a dicíndolle que é a súa culpa e o outro/a non acepta a crítica restarémoslle 5 puntos ao equipo (todo isto non llo diciremos ao principio para que o fagan pola súa propia iniciativa).

1ª proba: as parellas (ou o alumno/a que vaia só en caso de querer ir rápido) terán un globo. Terán que soprar os dous xuntos para que o globo chegue ao final e poder obteñer puntos.
2ª proba: faremos un pequeno circuíto que teñen que percorrer os nenos/as. Terán que ir collidos polos ombros como se foran nun tren e todos irán cos ollos pechados excepto o último da fila, que dará uns lixeiros golpes no ombro do compañeiro de diante, de modo que os golpes chegarán ata o primeiro que caminará cara onde lle indiquen. Dependendo de onde dea o golpe, será unha dirección ou outra.
3º proba: Os nenos colócanse en parellas, en fila india. Os primeiros de cada fila átanse os nocellos cunha corda ou un pano (o dereito dun co esquerdo do outro). Corren deste xeito ata alcanzar a metade do campo, onde esperan outras parellas. Desátanse os nocellos e entregan o pano á parella seguinte. O equipo que remata antes gaña máis puntos, pero os outros tamén conseguen algúns (esta actividade se fai cara ao final da actividade, con todos os nenos).

Ao final xuntaremos a tódolos nenos e nenas, contaremos os resultados e anunciaremos ao gañador, explicándolles como fora o método de puntuación. Despedirémonos, eles subirán a clase e nós volveremos á nosa para seguir co horario habitual.